لمتابعة المقالات

7

7

7

    كل أحد : عمود  " بقعة ضوء "

كل خميس : عمود " تأملات " أو " بقعة ضوء " أخرى

بصحيفة العرب القطرية

 

 

" امتحان الزمن "

كان لي صديق اسمه فهد

مامثله في الدنيا أحد

قلبه نظيف .. وحكيه لطيف

ودمه خفيف .. وكتفه سند

دار الزمان وغيّر هواه

ماكن لي ذكرى معاه

ليت الزمن .. لما كمن

له وامتحن .. صدقه ووفاه

عطى قلبي صبر وجلد

( من قصائد ديوان " كلمات وصور " - سهلة آل سعد ) 

 

" أنا مثلك "

 

لأن الخوف ياخذنا

من الدنيا .. لدنيا بعيد

ولأن الفرحة تبهرنا

وتغمرنا .. بلا مواعيد

تعلمت أنتظر فرحي

رغم خوفي .. ورغم جرحي

وأؤمن إن ظلمتنا

يتبعها نهار العيد

تحس بخوف ؟

أنا مثلك 

تحس ببرد ؟

أنا مثلك

تحس بحزنك وثقلك ؟

أنا مثلك .. أنا مثلك

تحس إنك غريب وغير ؟

أنا مثلك 

تحس إن الفضاء صغير ؟

 

أنا مثلك

تحس الليل يتقدم من الشباك ؟

أنا مثلك

تحس إنك وحيد هناك ؟

أنا مثلك .. أنا مثلك

بس اصبر .. وأوعى تستعجل

ترى هالليل والظلمة

وراها نور يضحك لك  

 

( من قصائد ديوان " كلمات وصور" - سهلة آل سعد )