( انتظرتك )
انتظرتك ليما صارت للمسا روح العجايز
وليما بللني المطر وطهر حشاي
وليما طوقني الألم .. والأمل جايز
وليما ملت من كثر صمتي شفاي
وليما عيني من التعب عجزت تمايز
مابين أطياف المسا .. وطيف معاي
وانتظرتك .. في الهوى لاتظن فايز
منهو يخسرني أنا .. ويخسر صفاي
*****************************************
( أوراق الخريف )
وتسقط أوراق الخريف
ويبدو الشجر شاحب مخيف
وبرودة تسري في البدن
احساس بضعف ووهن
وفراغ موحش داخلي
ياللي عطيتك أجمل سنين العمر
وعديتك من ناسي وهلي
وأعطيتني هم وألم
وسراب صعب(ن) ينجلي
أنا خلي ..
من كل شعور .. ومن أي ندم
أنا خلي
نطرتك ليما العاصفة
مرت بأرضي وانتهت
ونطرتك ليما القافلة
عدت وراحت وسرحت
ولوحت أبي منك أمل
بس انتهت كل الفصول
وطاحت أوراق الخريف
وماعاد في قلبي دفا
ماعاد في وجداني .. صيف
