عالج جروحي

عالج جروحي ..

جيتك وف قلبي نزيف

وقوتي خانت

وطاحت بي على ذاك الرصيف

مشيت لك عاني .. محموم

واحساسي .. رهيف

رقيت لك أطول طريق

ونزلت لك أحدر مضيق

من وادي .. لسهل .. وريف

جمعت لك في قبضتي

قطفة زهور من لهفتي

وبادلتني بورودي أوراق الخريف

ولما وصلت لقصرك العالي المُنيف

لقيته مهجور .. وكئيب

لقيته مقرور .. ومخيف

عالج جروحي قبل أرد

وأشد رحلي وأستعد

ماعدت لي خل ووليف

سهلة آل سعد

18-4-2014

الدوحة

** مقرور : بارد